Logo FNP

FNP Fryslân

Frysk | Nederlands | English

FNP Fryslân

Frysk | Nederlands | English
23-01-2018 - Undersyk effekt gebrûk keunstdong op feangreide
Is it foar de CO2-reduksje better om organyske dong te brûken op feangrûn yn stee fan keunstdong? De FNP wol dizze fraach wittenskiplik beäntwurdzje kinne en freget dêrom in ûndersyk mei in moasje yn Provinsjale Steaten.

10-01-2018 - FNP: wat betsjut ‘maximale vermindering' gaswinning Grinslân foar Fryslân?
Binne der neist De Pein noch mear yllegale gaswinningen yn Fryslân? Dat wie de fraach dy't de FNP stelde yn de Steaten fan 27 septimber. Wat is it gefolch foar Fryslân fan de ‘maximale vermindering' fan de gaswinning út it Grinzer fjild dêr't minister Wiebes oer praat nei oanlieding fan de resinte ierdbeving? De partij lûkt mei skriftlike fragen by deputearre Schrier oan de belle.

19-12-2017 - FNP: fragen oer nije fertraging breedbân ynternet
Nei oanlieding fan berjochten op de sites fan Telecompaper en VerbindDrenthe wol de FNP witte oft it kloppet dat de oanlis fan fluch ynternet yn Fryslân opnij fertraging oprint

19-11-2017 - FNP: kompinsaasje BTW-ferheging op drinkwetter fia fermogen Vitens
Drinkwetter is in earste libbensferlet en moat foar alle ynwenners fan Fryslân betelber bliuwe. It nije kabinet is no fan doel de BTW op earste libbenferlet te ferheegjen fan 6% nei 9%. De FNP wol dat neigongen wurdt oft it fermogen fan Vitens - leafst € 526 miljoen - brûkt wurde kin om dy BTW-ferheging te kompinsearjen.

16-11-2017 - FNP fragen oer takomst soarchfersekerder ‘De Friesland'
Wat binne de gefolgen foar it provinsjaal belied no't soarchfersekerder De Friesland as selsstannich bedriuw ferdwynt? De Steatefraksje fan de FNP stelt hjiroer fragen oan Deputearre Steaten. Beslissingsfoech en wurkgelegenheid moatte yn Ljouwert bliuwe, fynt de partij.

07-11-2017 - FNP: mear ynsette op geotermy
De FNP sil kommende woansdei yn de Steategearkomste pleitsje foar mear ynset op geotermy yn Fryslân. Neffens berekkenings fan de TU Twente kin geotermy yn 2050 soargje foar sa'n 25% fan de takomstige enerzjy-opbringst yn Fryslân

06-11-2017 - FNP: ophâlde mei gemyske bestridingsmiddels
De Provinsje moat it goede foarbyld jaan en ophâlde mei it gebrûk fan omstriden gemyske bestridingsmiddels lykas glyfosaat (RoundUp). Dat stelt de provinsjale fraksje fan de FNP yn mûnlinge fragen oan Deputearre Steaten.

02-11-2017 - FNP Waadhoeke met de statefraksy op rais
De raadsleden fan nou nag Frije Bilkerts en FNP-ofdelings hewwe met de statefraksy fan de FNP woensdeg 1 novimber met 'n Amerikaanse skoalbus 'n rais deur de dorpen in aansen de nije gemeente Waddenhoek maakt.

30-10-2017 - FNP optein oer mooglikheid selsfoarsjenning enerzjy yn 2050
De FNP is tige tefreden oer de útkomsten fan de ynternasjonale enerzjykonferinsje dit wykein yn Ljouwert. De konferinsje, yn gearwurking mei de EFA en de OSF, wie hielendal folboekt. Ien fan de útkomsten wie dat Fryslân neffens ûndersyk fan de TU Twente om 2050 selsfoarsjennend wêze kin mei duorsume enerzjy. De Sustainable Energy Conference (SEC 2017) wie op 27 en 28 oktober.

18-10-2017 - FNP wol legere behearskosten Frysk finansieringsfûns FOM
De FNP wol dat de organisaasje dy’t skielk it behear docht fan de Fryske ûntwikkelingsmaatskippij (de FOM) in legere fergoeding krijt fan de provinsje Fryslân. Ynstee fan maksimaal 5% oer it ynleine fermogen moat der in fergoeding fan maksimaal 3% wêze. De Steatefraksje fan de FNP bringt dat woansdei yn in moasje nei foaren.

11-10-2017 - FNP stelt fragen oer tekoart oan húsdokters
Nei oanlieding fan in berjocht yn de LC fan 4 oktober oer it tekoart oan húsdokters yn Ljouwert en ynkoarten yn hiel Fryslân, stelt de FNP skriftlike fragen oan it kolleezje. It liket der op dat, as it kolleezje gjin aksje ûndernimt, op ferskate plakken yn Fryslân op koarte termyn gjin húsdokterssoarch mear foarhannen is. De FNP sprekt har noed en soarch hjir oer út en ropt it kolleezje op it sinjaal, wat ôfjûn is om Fryslân te promoaten om foldwaande húsdokters te hâlden, daliks op te pakken.

22-09-2017 - FNP fragen oer befoardering Fryske Literatuer
Wurdt it literêre fjild no belutsen by takomstige promoasje fan Fryske boeken? Hoe stiet it mei it plan fan de Afûk foar in nij promoasje- en ferkeapplan? Komt der noch wer in Frysk boekefeest? De Steatefraksje fan de FNP stelt hjir skriftlike fragen oer oan it Kolleezje fan Deputearre Steaten.

15-09-2017 - FNP: fragen oer stedsstrân Ljouwert
Wat is it effekt fan de provinsjale subsydzje foar it stedsstrân fan Ljouwert? En hoe stiet it no echt mei de wetterkwaliteit fan de Potmarge? De Steatefraksje fan de FNP stelt hjir skriftlike fragen oer oan it Kolleezje fan Deputearre Steaten.

01-09-2017 - Fyzje nedich op in duorsum enerzjybelied
Klaas Fokkinga en Henk de Vries - De provinsje Fryslân arbeidet mei ferskate gemeenten oan in ‘Fryske enerzjy stratezjy'. In poerbêst plan om taret te wêzen op de jierren nei 2020. Mar der is mear nedich foar in duorsum enerzjybelied.

14-08-2017 - FNP: Brok nei topoerlis Friesenbrücke yn stee fan Paas?
Lit de Fryske kommissaris fan de Kening Brok oanskowe by it topoerlis 28 augustus yn Bonn oer it weropbouwen fan de Friezenbrücke oer de Ems. Dat stelt de FNP út no't it der op liket dat de Grinzer kommissaris Paas net beskikber is dy deis fanwegen de fiering fan Gronings Ontzet.

Argyf

Stypje ús Wurd lid

Kontakt mei de FNP:

It Partijhûs
Obrechtstrjitte 32
8916 EN Ljouwert

Antwurdnûmer 5034
8900 VB Ljouwert
058-2131422

fnphusfnp.frl

Ynlogge foar leden | ANBI

Kontakt mei de FNP:
It Partijhûs | Obrechtstrjitte 32 | 8916 EN Ljouwert | Antwurdnûmer 5034 | 8900 VB Ljouwert
058-2131422 | fnphusfnp.frl

© 2018 FNP | SkarWeb.frl (website) | Skelp (foarmjouwing)