Logo FNP

FNP Fryslân

Frysk | Nederlands | English

FNP Fryslân

Frysk | Nederlands | English

Corlienke de Jong: ‘Soad binnen helle foar FNP by Kadernota'

De Steatefraksje fan de FNP is dik tefreden oer de provinsjale Kadernota foar de Begrutting 2018 dy't hjoed presintearre is. In soad fan de punten dy't de FNP ynbrocht hat kinne no fersulvere wurde.

Fraksjefoarsitter Corlienke de Jong  neamt in grut tal foarstellen fan de FNP dêr't de provinsje oan meibetellet. ‘Tefreden binne wy dat de rûnwei Warns der no komme kin (1 mln), lyksa it fytspaad Leechlân Grou-Warten (0,8 mln). Us deputearre Johannes Kramer  kin oan de slach mei ekstra jild foar de greidefûgels (1,4 mln) en de gebietsûntwikkeling, de ‘plus op de Sintrale As' (2,5 mln). Ek is der op ús oanstean rekkening hâlden mei ekstra jild oant 2022 om it Iepenbier Ferfier yn Fryslân op peil te hâlden (3,7 mln per jier).'

 

Enerzjyneutraal

Op it mêd fan enerzjy is de FNP ek tige te sprekken oer de behelle 1 mln ekstra foar lokale duorsume enerzjyprojekten mei Duorsume Doarpen, en de saneamde ‘Fryske Deal' om mei in ympuls fan 3,5 mln op termyn 50.000 Fryske wenningen enerzjyneutraal te meitsjen.

Bliid ek is de fraksje mei it honorearjen fan in breed droegen útstel foar de transformaasje fan de fysike leefomjouwing (‘oanpak rotte kiezzen') yn de krimpgebieten (3 mln), en 1 mln foar de takomst fan Wetsus yn Ljouwert, in punt dat de FNP mei de VVD oandroegen hat.

 

Duorsume lânbou

Fierder noch saken op it mêd fan de FNP deputearre: 3 mln foar in fûns foar de transformaasje nei in duorsume lânbou en 1 mln foar it monumintale stedhûs fan Boalsert.

 

Neffens De Jong leit der mei dizze Kadernota, sa healwei de koalysjeperioade, in goede basis foar de begrutting fan 2018. ‘Der bliuwe fansels wol finansjele soarchpunten foar de takomst, lykas de guozzeskea, de djoere plannen foar de farwegen, de kultuerpartisipaasje en KH2018 of de oanpak fan de feangreideproblematyk. Mar oer it algemien liket it goed.'    

Stypje ús Wurd lid

Kontakt mei de FNP:

It Partijhûs
Obrechtstrjitte 32
8916 EN Ljouwert

Antwurdnûmer 5034
8900 VB Ljouwert
058-2131422

fnphusfnp.frl

Ynlogge foar leden | ANBI

Kontakt mei de FNP:
It Partijhûs | Obrechtstrjitte 32 | 8916 EN Ljouwert | Antwurdnûmer 5034 | 8900 VB Ljouwert
058-2131422 | fnphusfnp.frl

© 2017 FNP | SkarWeb.frl (website) | Skelp (foarmjouwing)